【本網訊】梁振英幼女頌昕早前在機場遺留手提行李事件，引發逾千人昨在機場靜坐抗議，出席靜坐的前全國人大代表、曾任立法會議員的朱幼麟現場發言時指，事發時與梁振英通電的航空公司女職員「講到喊」。朱今早出席電台節目再解釋，昨日出席靜坐是因為「我好憎濫用特權的情況」。
朱幼麟表示，他上周六偶然接觸到與涉事員工相關的國泰職員，得知更多事件詳情，令他更憤怒，「我最憎用特權，破壞人人平等原則。如果教宗濫用特權，佢都要落台」。朱指自己試過遺留手提行李於禁區外，當時由航空公司人員陪他出禁區取回行李，而今次事件的結論是濫用特權，「如果我話俾你聽，我排緊隊，有一位小姐來尖隊（即：打尖），再話俾我聽佢爸爸係邊個，我會叫呢個小姐早抖，如果呢個小姐嘅爸爸再打電話畀我，我會叫呢位爸爸，你去死啦！…如果佢唔去死，我都會幫佢去。」
朱覺得，「香港唔應該有一個人特權壓迫下，唔可以講真話，莫講話流眼淚」，強調「如果社會無咗人人平等原則，我唔想係呢個地方生活」，而今次事件要追究到底。
