「我第一次做校長，嚟方潤華小學係因為 『天水圍』呢三個字，呢個係第一個原因。第二就係一間已經結束嘅學校，可以重新開番，又係區會，用同一個校名，我覺得好有意思。我覺得情感聯繫好重要，尤其對舊時嘅小朋友，而家成長咗，會諗番佢地嘅小學，我都會諗番我嘅小學，我相信其他人都一樣。同埋我聽過呢間學校嘅故事，覺得好有意義，係神蹟。正常係趕唔切，做唔到。而家可以開番，係幸運，唔簡單嘎，要繼續奇蹟亦都唔容易。」—方潤華小學陳章華校長
陳校長受訪照
記者：馬翠怡
方潤華小學(簡稱方小)2012年被殺校，2016年「復活」，是全港第三間「有時限學校」，餘下9年「壽命」。陳章華校長以往是教師，碰上死而復活的方小，滿懷希望和抱負，明知只得9年期限，也要應聘當校長，全因他相信9年不是死期。教育局去年1月中公佈教育團體申辦結果，陳校長3月底來到方小，短短半年，一間空置了4年的校舍，無水電供應、無通訊、無設備。這位毫無經驗的校長，成功在5個月後趕及開學，開展了一段與眾不同的校長生涯。
開校前期艱巨 幸得八方支援
「我3月尾嚟到呢度，個時乜都未得。廁所又無，要去隔離中學借用，或者去商場，去到8月中先有廁所用。而電話、寬頻、食水乜都無，開學前兩個禮拜仲係工地，外面啲潻油同字先搞掂，所有內部裝修去到10月6號先完成。」
有多少個校長會穿著西裝，和助理在無冷氣的音樂室汗流浹背地處理所有文件工作，包括招生、家長簡介和講座、註冊。陳校長回憶起當初只有自己和助理兩人，要聯絡當區校長會，尋求教學團體協助開校工作；有時校監和其他中、小學校長都會幫忙，還有友校書記、職工、方潤華中學校長也有出力，全部都是義務幫忙。陳校長談到前期工作時，語調平淡，沒有訴苦之意，猶如訴說別人的故事。「辛苦同事，能夠做得切絕對唔簡單！」在很多人出力的同時，方潤華博士再捐100萬，令前期宣傳等工作得以順利進行。後來教育局所批的一筆錢，便用來購置傢私校具。
記者：現在學校開班情況怎麼樣？
陳校長：而家有3班小一、2班小五、1班小六。總共有20個跨境學童，亦都能夠安排四個口岸和元朗的校巴服務。我地有13位老師，其中一位係以前方小嘅舊老師。
記者：9年時限有幾大限制？
陳校長：第一係家長嘅意欲不大。要怎麼說服往後的家長報讀方小，要同家長解釋學校的情況，當然他們會擔心結束後去向如何，現時有無足夠資源，或者活動多唔多。另外聘請老師都有難度，佢地會擔心自己嘅前途。
記者： 如何看待9年後會唔會繼續辦學呢個問題？
陳校長： 9年之後點算，我哋有反映過，我當然希望繼續，眼界唔會停在9年。我哋唔會當佢係一間有限時嘅學校，如果我當佢只得幾年壽命，我哋就唔需要勞師動眾去買咁多嘢，去專登處理好個課程，去成立一個籌款小組為學校籌款，買唔同嘅設備俾小朋友。
家長經常問：9年之後點算？
我每次都會答，教育局嘅回應係家長支持，其實，對於每一間無限時嘅學校，家長支持都係最重要元素。
我哋希望俾學生有更多嘅學習機會，學校特別用咗兩個課室去做一啲特別用途，例如IT同體藝，學校想在呢兩方面做多啲，會透過籌款方式去做。至於小一會著重英文教育，硬軟兼施。每個禮拜有4日強制課外活動，亦都會照顧唔同學生，幫非華語學生補課，教會都會幫手。另外，仲有電腦專題課，教學生圖書、電腦技巧。
記者： 老師壓力大唔大？
陳校長：老師一定辛苦！既要做教育工作，又要做行政工作，病都撐住無請假。老師一定身兼數職，因為老師少，一般老師已經辛苦，佢哋就更加辛苦。我哋嘅老師能夠支撐到，全因佢地嘅熱誠，或者係信仰、使命感。
雖然校方不能控制結果，但陳校長強調，學校永遠會從長遠的角度去辦教育。延續方潤華小學的生命，是陳校長和和一眾老師共同的願景，也是大家堅持下去的動力。
後記
在等候陳校長之時，記者到方潤華小學門口拍照 ，學校門口剛好有兩位身穿制服的工人在檢查路燈，記者上前隨意問：「做嘢辛唔辛苦？」交談幾句後，記者提到方小「復活」，其中一位40多歲的工人便指向學校，笑言：「我都係呢度畢業嘎！」是巧合，還是緣分，幾十年前的舊生來到母校前工作，遇上幾年前的舊生回校做訪問。那一句「我都係呢度畢業嘎」是多麼美妙！相反，如果今年方小沒有「復活」，這一句便變成唏噓了。
