戇居週記（第四週）
（先申個利，sor，係利個申：題目與內文不符）
近日在小巴看到一個NOW的短片，內容主要關於陳慧琳講述自己與鄭伊健梁家輝在布拉格拍戲的經歷……即係咩？你也記得三色台晚上8：30有楊怡馬浚偉、之前9：30有定欣BB與王祖藍，然後呢？對啊師奶劇啊，然後呢？劇名呢？#不解釋
繼續陳慧琳。兩分鐘內，除了聽到「好靚」、「真係好靚」、「好浪漫」，好像…原來沒有／從來都沒有。老老豆豆，如此特別的介紹技巧，不禁令我想起黃麗梅的「食雞有雞味」。食雞無雞味，難道有龜味？鬍鬚佬都話你知龜苓膏沒有龜啦！講呢啲。
sales唔易做，一個唔好彩真係sales變sell＿（明啦！）
如果買衫買首飾仍單靠三分鐘內無定向喪心病狂式大讚「嘩！」「好靚啊！」、「好襯你啊！」散貨，試問你買不買？又或者，如果我（是）陳奕迅浮誇式大娛樂家般「小姐，你戴得好好睇，我未見過有人戴得好睇過你戴」、「小姐，我覺得件衫本身就跟住你身形度身訂造出嚟」，你又會否相信繼而買回家？
別講笑，作為一位top sales，不管你是姓甚麼，也不管你是何星座，Entertain客人確實需要多花點心思。如何在云云衫與首飾中與客人挑選最適合的，甚至客人從沒想過但一經你口就買了，難道是有的，但不要想得太遠。
譬如一粒黑色的耳環，平平無奇，如何令客人覺得必需？「其實呢啲耳環先好，又唔洗驚襯唔到衫，出街趕時間又想戴耳環咪戴呢啲囉，買一兩對看門口幾好架！」；又譬如一對假珍珠耳環，「假咪好囉！幾十蚊跌咗都唔肉赤嘛！仲有咁多唔同size嘅珠畀你左拼右拼揀到啱先買，去邊度搵？」
然後有幾個客，自此以後不再只買那些大到方圓十呎都能見到極高的吊耳環，而且每次行商場都跟我買至少一對。you know, must-buy／must-have在時裝雜誌是這樣煉成的，same logic。
你可以說我假，but com’on James！
人是rational beings。貨品手工不賴、 價錢尚算合理範圍（以地段來計，好似係）、服務態度好、你又有urge要買，Marketing 4個P都合晒合尺兼解決你的needs and desires甚至生、心理問題，試問如何不買？為何不買？
像我這種靠佣維生的sales、靠講數少打折meet sales target的sales、日日盡用兩文三語伶牙利齒的sales、靠熟客固定客拉上補下的sales，滿街多的是。我們不像大公司賺到你盡，我們不是要搶你錢，我們沒有很多折扣，但有人情有人性。我們學歷未必很高，但總會付出努力與勞力，請問你有甚麼需要？
