【生活文藝】【最佳小品文章獎】參賽作品
「唔該，雜腩河加魚蛋，凍檸茶呀。」
「三餸呀？」
「係呀！」
「喂！咁早呀？」
「哎呀！特登請假嚟睇你執㗎！啲嘢咁貴。我諗住坐到你收檔㗎。」
「咁講嘢嘅你！檯底啲嘢（罐裝可樂）你拎唔拎埋？」
「好呀！仲有咩唔要？」
「啲碗碗碟碟筷子呀，仲有你之前個電鑽，依家拎落嚟俾你。」
「喂！唔洗啦，咁依家咁多客。」
「唔好啦，我驚我唔記得。」
「點會呢！我記得咪得囉。」
眨一眨眼，老闆已經爬咗上去拎埋落嚟。
「咁你其他嘢點，洗唔洗借個倉俾你？」
「唔洗啦。」
「吓！我認真㗎喎，喺火炭，唔洗錢嘅。」
「咁遠？」
「唉！咁我屋企啦，陣間擺低條鎖匙俾你。」
「吓！唔好玩啦。」
「驚咩呀，我屋企又無人，又無錢。」
「咁我收完檔打俾你啦。」
「咁俾條匙你。」
「唔洗啦。」
//
「唔該，雜腩河加魚蛋，凍檸茶。」
「呀…… 四十六呀。再見！」
「再見…」
