鄭松泰：勿以聖人標準評反水貨示威者
網上流傳反水示貨客示威者腳踢途人行李，又令女童受驚哭泣的片段。熱血公民成員鄭松泰認為，政府一直沒有回應訴求，以致出現擦槍走火的情況。他說不應以聖人的道德框架去衡量示威者：「呢個係佢個人嘅選擇，當佢自己考慮清楚佢要面對嘅法律制裁、成本嘅話，我自己冇權力去阻礙佢嘅行動。所以我覺得要搞清楚嘅係，每一個香港人喺公眾參與上，都係同等嘅，點解我會話唔好用一個聖人嘅指標，因為佢唔係政府呀，佢唔係公權力呀。」
范國威：誤中副車令反水貨活動失焦
「香港本土」發起人兼新同盟立法會議員范國威稱，反水貨客示威者誤中副車，讓政府有機會轉移視線：「一日政府未調整自由行政策，一日呢啲抗爭行動都係會出現，我哋期盼呢啲抗爭行動要認清目標，唔係俾一啲擦槍走火，或者誤中副車嘅情況再次出現，從而令運動失去焦點，比咗政府一個口實，只係污名化呢啲爭取香港本土權益嘅運動。」
