新聞敢批 2014-05-14
相機笠先
主持: 范啟妍
___
[文字版]相機笠先
不時聽到有人批評香港女性太鍾意自拍，無論係去旅行、做運動、定係美食當前，第一件事都係攞起智能手機自拍相片再上傳去唔同嘅社交網站。但係就算香港人對自拍有幾咁著迷，相信都唔夠以下呢兩個瑞典少女咁瘋狂。
根據英國每日郵報報導，兩名瑞典少女喺去年搶劫當地西南部哈爾姆斯塔德嘅一間餐廳，警方接獲報案之後，唔使１個鐘就破到案，靠得是一張自拍照！
呢兩位少女搶劫前一刻，攞住手機對著住有帽衛衣、戴上面罩、手持約30公分長刀的自己自拍了一張照片，同時也成為定罪的最佳鐵證。除此以外，警方亦都從手機搜出贓款的照片和一篇用「如何搶劫」做標題的簡訊。
連搶劫前都要自拍一張，就證明咗現時嘅年輕人對網上社交網絡有幾沉迷。其實時下年青人呢種無論做乜野事都要上網話俾所有人知嘅行為，究竟代表咗乜野呢？
撰文: 蘇樂恩
