主持：侯家豪
自從港足由金判坤領軍後，表現的確進步不少，特別在體能方面。港隊上周四作客奮力守和中國，球員在本地聯賽休季的環境下，仍然可以跑足90分鐘，無人抽筋，呢個係Kim sir 領軍前難以發生的事。港隊5日後再係主場迎戰卡塔爾，雖然體能上明顯受港中戰影響，但球員可以在最後階段仍走上走落，攻入2球，其鬥志及體能實在可加。
除了港足，我們必需稱讚香港球迷，在港隊落後0:3時仍聲撕力揭地打氣，呢個場景，久違了。以前的球迷，眼見港隊踢得差，非但不會鼓勵，反而仲會破口大罵，結果只會令球員壓力更大，表現更差。反觀今場波，港隊落後時有一段時間表現未如理想，但球迷仍不斷打氣，最終港隊攻入2球，雖敗不辱。
球迷的表現同球員的表現往往有一個特別的關係，球迷對球隊不離不棄，球員自然會更加落力去報答球迷，球迷見到球員落力，又會落力地打氣，形成一個良性循環，反之球迷因球隊成績差而離開，球員沒有球迷支持，彷如孤軍作戰，未能發揮正常水準，導致戰績差劣，又令支持者退場，形成一個惡性循環。
如果想港隊可以繼續有好成績，球迷一定要落力支持，不止球員要die for Hong Kong，球迷都要Die for Hong Kong.
真正嘅球迷永遠唔會係勝利球迷。
1117 港中戰見。
撰文：侯家豪
