香港電視網絡不獲行政會議接納免費電視牌照的申請，該集團宣布裁員六成，即約320人，集團主席王維基與全體員工會面後，召開記者會親身交代申請免費電視牌照的始末，自言虧欠所有員工，並批評政府審批過程「黑箱作業」。
審批長達3年10個月，王維基形容最終只能收到一個「好震驚」的消息，但最令他不滿的是當局「唔合理、唔公平、無透明度嘅裁決」。他說：「香港政府最初由無發牌上限，改變到今日嘅三揀二呢種選美嘅制度，我哋香港電視嘅員工，我哋嘅公司同所有香港市民，一直係蒙在鼓裏，我哋係完全唔知點解，整件事係一個黑箱嘅作業」。他直言，這是一個很大的行政錯誤，很大機會向法院提出司法覆核。
王維基透露，政府在2009年12月主動邀請他申請免費電視牌照，但基於日後可能涉司法覆核，故沒有透露是哪一位官員接觸他。他稱，政府拒絕發牌的決定完全與民意相對，形容當局是與市民「對着幹」。
就當局拒絕公布香港電視網絡不獲發牌的原因，王維基說，「香港電視是3間申請機構中最具實力的一間，但當局卻連落選原因都不肯交代，令他感到輸得不明不白，「討論過程你可以保密，但係咪可以將個結果公布呢？」王維基認為，如果事件就此完結，港人失去的，將不止一個免費電視台，「香港係輸咗一個公義，香港仲有冇公義呢，點解我哋會死得不明不白？你將個學生留班，你將個學生踢出校，都應該畀個成績表佢睇㗎嘛，如果你拎個成績表出嚟，得分係輸畀人哋，我覺得輸得心服口服，但如果唔係咁樣嘅，我覺得係一個好黑暗嘅日子」。
王維基表示，至今年2月底，對香港電視的總投資額達9.8億元，為保留公司實力及重整旗鼓，需要裁減320名無合約年期的員工，主要來自新聞部、財務部、拍攝團隊，但會保留100名創作及製作人員。王維基說，公司流動資金仍然充足，毋須變賣資產套現，而正在興建的將軍澳多媒體中心，工程亦不會暫停。
他形容裁員是一個沉痛的決定，但他強調裁員並非企圖或意圖威脅政府，「我係唔想我啲員工終日好驚惶，唔知聽日點樣」。他又說，向員工交代不獲發牌及裁員時一度忍不住落淚，「我有冇喊？我頭先係忍唔住㗎，2年多前好多同事喺我未有牌照情況之下，大家都有家庭負擔㗎，但係都走過嚟幫手，我係覺得我欠咗佢哋嘅。」
被問到有報道指他曾經向中聯辦求助，王維基稱：「我只可以咁講囉，如果我真係有人幫我的話，我諗今日個結果唔應該會咁樣。」至於若果可以讓他重回2009年12月提交免費電視牌照申請的一刻，他形容即使再作一次選擇，決定仍然不變，「我一樣會咁做，無後悔！」
