梁振英：曾與中央討論一簽多行
行政長官梁振英總結北京之行，表示已經跟中央多個部門商討檢討「一簽多行」，強調中央十分重視香港社會的意見，會繼續做好協調，但沒有公布具體措施。他稱：「一簽多行問題我哋繼續探討，主要就係話我哋點樣一方面平衡好內地居民嚟香港旅遊嘅需要，喺政策底下比佢嘅權利，而又同時唔影響香港市民嘅生活。仲有呢就係，我哋都要考慮到，依個政策如果有任何調整嘅話呢，唔會造成人數嘅大幅減少，因此影響到香港整體嘅經濟，尤其係鄰近深圳地區嘅經濟同埋地區嘅就業。」
蘇錦樑：冀邊境購物城盡快上馬
商務及經濟發展局局長蘇錦樑稱，已經與倡議者就發展邊境購物城，提供交通、人流和規劃的意見。他指，邊境購物城有待倡議者推動，政府會配合，希望計劃可以盡快上馬。
黎棟國：不會容忍破壞社會秩序
有團體將於3月8日再發起反水貨客行動，保安局局長黎棟國表示，警方仍未收到任何申請通知，如果收到會依照《公安條例》相關規定處理。他強調：絕對唔存在話有任何嘅指示，界警方係點樣去處理遊行示威通知呢一回事。」黎棟國又批評早前「光復元朗」示威者的行為：「人群嘅大量集結、衝擊，喺馬路度阻塞，引致到啲車輛突然間需要停，又有垃圾桶擺咗喺嗰度，凡此種種其實係一啲好危險嘅行為，亦都係破壞咗社會秩序，警方對於呢一類嘅行為係絕對唔會容忍o架。」
