上屆政府未就高鐵「一地兩檢」提出具體方案。基本法委員會副主任梁愛詩上午在港台節目表示，「我唔明啲人點解咁擔心一地兩檢囉」，又指若香港連接到高鐵網，西可達歐洲，南可至印尼，「點解有咁大嘅好處，我哋唔接受呢？」她強調，目前尚要就檢查，有何人員要參與，權力等問題作商討，一言蔽之，不可扺觸基本法。
至於有擔心指會於高鐵西九站內執行全國性法律，梁愛詩疑惑說，「驚乜嘢呢？」她指，「只係喺檢查地方，首先睇吓呢個建議對香港有冇利先，我剛才已經講咗，對香港係有利。你而家要保護嘅係咩人，要保護犯咗內地法律、嚟到香港邊境，我哋要保護佢咩？」梁愛詩又指，即使內地法律於香港實施，亦只是在檢查的地底部份實施，而很難可以從地底或中途「跳咗出嚟」。
