日前無綫電視下令封殺壹傳媒，唔準旗下藝人接受壹傳媒訪問，TVB被人話係霸道，係妨礙新聞自由，亦有人話係視霸與報霸相爭，但TVB實情此舉實是白痴之極，害人也不利己。
壹傳媒也可算是香港最大的傳媒，其影響力極大，就算大家都知道佢可能係作嘢，大家也會買來看看，娛樂一番。之但係，壹傳媒所作嘢的對象，大部分也正正是TVB的藝人，對壹傳媒來講，當然是個打擊，少了很多可以創作空間。反之，對TVB的藝人來說，就大鑊啦。藝人這個行業，太奇怪了，有說「壞新聞總比沒新聞好」，那當然啦，平時有壹傳媒作下嘢，藝人知名度又大大增加，即使係負面新聞，也起碼有人講啦。
大象打架，就草地遭殃；無、蘋打架，就藝人遭殃。其實本是同根生，大家都是傳媒行業，本來就應互惠互利，現在為啖氣，又何必呢？
其實中國、美國同是大象，近年來又係為啖氣係度鬥餐死，鬥軍事鬥文化，最近中國也推出了片集「較量無聲」，力數美國不斷利用文化「攻擊」中國。其實中國又何嘗不是利用文化「入侵」美國呢？美國電影、快餐文化滲入中國境內，中國也不斷邀請美國學生到中國留學，借機宣傳中國自有管治一套。
無綫鬥壹傳媒，啊叻就係導火線；如果中國鬥美國就話釣魚台係導火線。但係前者打架，最多都係封殺下，後者認真打架，嘩，第三次世界大戰都黎。中、美大家禁個制，發個火箭，遭殃的是人民啊。既然地球又得一個，美國、中國同樣要發展，又何苦相爭，考慮一下人民感受，握握手做個好朋友才是嘛。
大象相爭，必有損傷，切記！
林浩賢
評語：由此及彼，由媒體之爭講到中美矛盾，不錯。但真的為啖氣係度鬥餐死？簡單化了一點！
