新聞敢批 2013 11 05
主持:邱翠虹
—
【文字版】大字都唔識多隻?
最新出爐的文憑試考試報告，就顯示考生無論對中文、英文的認識同樣唔足夠。
以中文科為例，只有52%考生考獲符合入大學的最低要求的3級。考評局報告就話，有考生竟然將星爺－周星馳喺《少林足球》嘅經典對白「一個人無夢想同一鹹魚沒有分別」，當做「古文」黎引用；另外，又用「醉生夢死」形容北宋名將岳飛‥‥‥呢D例子都顯示咗佢吔嘅無論係中文水平，抑或係對中國文化嘅了解，都嚴重唔足夠！
而英文方面，情況都令人擔心，有好多考生將簡單英文串錯，例如將chalk粉筆、Build興建、First首次，小學生都識嘅英文生字都串錯。
咁究竟點解呢D咁簡單嘅野都會錯呢？考試緊張或者都係其中一個原因。不過有外國媒體就指，新一代學生變蠢嘅原因係因為「互聯網」愈來愈發達，就令到D學生唔願意去記野，遇到唔識Click一Click查完就算，而且自從有咗檢查錯字功能之後，就連生字都唔駛記，久而久之就變得咩都唔識！
「互聯網」普及後，原意為慳省時間，但卻成為「記錯資料」、「串錯字」嘅原因，更好令學生變得懶惰，真是得不償失。
/邱翠虹
—
