新聞敢批 2014-02-21
反滅聲，你都得！
主持: 蘇樂恩
___
[文字版]反滅聲，你有份！
針對最近喺新聞界發生一連串涉嫌妨礙新聞或言論自由嘅事件， 香港記者協會將會喺今個禮拜日發起「反滅聲」大遊行，支持言論自由，並要求行政長官梁振英履行競選時簽署的新聞自由約章。 今次嘅遊行受到各方面嘅打擊：根據網上媒體852郵報指，喺前日記協計劃就住遊行同警方一齊進行實地考察，但係就被警方甩底；另外，記協原先打算喺政府總 部公民廣場集會，不過有傳因為遭到警方極高層阻撓，被「愛字頭」團體捷足先登。警方預計遊行會有3,000-5,000人參加，而遊行終點喺雙方拉鋸之下 最終決定為特首辦門外，今次亦都係首次有大型遊行以特首辦為集會終點。 為響應今次嘅遊行，程翔、黃永平、呂秉權等20名資深新聞評論人組成獨立評論人協會，並由原先嘅月底改為提早喺聽日舉行成立記者會。協會希望透過監察、教 育、交流等形式，捍衛本港言論自由。 相信各位近日都一定會關注到唔同媒體都有被一啲企圖收窄言論自由嘅舉動影響，身為社會嘅一份子，我認為每一個人都有責任捍衛香港嘅自由，縱使我地可能只係一個普通市民，但係我地都可以喺呢個禮拜日行出嚟，代表自己發聲。
撰文: 蘇樂恩
