新聞敢批 2014-03-10
一週新聞回顧 (3/3-10/3)
主持: 黃子健 陳景瑤
___
[文字版]一週新聞回顧 (3/3-10/3)
焦焦焦
子健，你今次又搞咩啊？
我喺到扮緊超人啊
你咁大個仲玩卡通扮超人？幼唔幼稚啲啊？
唔係啊，我係扮緊我哋香港嘅李超人啊！佢對我哋狼特首連番出招，兩星期內插完又插，真係為市民發聲！
咁又係啊，連總理喺工作報告入面都可以講漏兩句，超人竟然可以連番比意見，認真有我哋心啊。
洗咩講！你知啦，依家連喺網上亂講嘢都可以比人告，超人仍然咁敢言實在令我好仰慕佢。唔好阻住我！我要繼續扮佢！
超人係勁嘅，但始終係日本嘢喎。愛國梗係要用國貨啦！點解唔扮偉大嘅毛主席呀！
吓？！明明之前要驅蝗，點解而家又轉軚架！
人哋話之前參加驅蝗行動係唔啱嘅 決定要補鑊 搞個真心愛國愛黨大遊行呀！要證明高尚愛國情操，梗係要買國貨！
係喎！作為中國人，梗係要飲國產奶粉！作為中國人，地鐵梗係要搭國產地鐵！
吓！聽講國產地鐵有石綿喎，致癌都照搭呀？
冇辦法啦，學狼振英話齋，香港同其他省一樣，只係高鐵入面其中一個車輪，應該發揮應有嘅貢獻，即係做妹仔囉。
咪即係執頭執尾，明知中國的會爆炸，都要買晒返嚟用，用得多先愛國吖嘛！
撰文: 黃子健 陳景瑤
