新聞敢批 2014-03-17
一週新聞回顧 (10/3-16/3)
主持: 黃子健、陳景瑤
___
[文字版]一週新聞回顧 (10/3-16/3)
咪郁警察!
子健你係唔係讀書讀到傻咗啊?今次仲扮埋學警?
咩啊，我點會扮cctv嗰啲劇啊!我係見嗰條警戒線愈推就愈後，就嚟同條地平線一樣遠，先扮下支持下咋!
你就緊係想睇啊，不過一過五千戶人睇就係犯法嫁喇!
吓!!三一得個三，六一得個六，咁連我哋學校同學睇都啱啱好咋喎!
所以維基咪話政府比個陷阱佢踩，仲講到眼濕濕添啊!
咁唔通政府未來要身兼策劃統籌再加監管嘅角色，將生意上所有嘢都搞掂再比你揀ABC餐？
唉，真係好難解決，你話如果我哋係澳門幾好，比人判坐監都可以匿喺香港唔使畀人拉。
咩啊，佢話有病在身先唔出庭作證嫁咋！
但係佢仲日日比人影到喺富豪飯堂食飯喎!
咩你無聽過『如果依家唔食以後無機會再食』。
唉，講起珍惜呢，而家唔睇譚玉暎姐姐以後無機會再睇啦。
人哋由主持變做顧問啫，又唔係離開cctvb, 分分鐘仲輕鬆啦。
做顧問先慘呀，明明畀人曲解顧問報告，出嚟澄清，竟然會畀人炒，都咪話唔驚。
搞電視台會畀人舖陷阱，講真話會畀人炒，去禮賓府帶條藍絲帶都會畀人趕走，香港真係好危險。
唔怪得689明明話送仔女出國讀書係錯誤做法，但最後都送晒三個仔女去英國讀書，自打嘴巴都唔怕，父愛真係好偉大呀！
撰文: 黃子健、陳景瑤
