新聞敢批 2014-03-04
一週新聞回顧
主持: 黃子健 陳景瑤
___
[文字版]一週新聞回顧
子健，我哋開始錄影喇，你仲喺到睇電話？
吓，係咩？唔怕喇，何鐵頭都喺財政預算案入面玩ipad
你同佢點同呢，人哋話佢自己太攰，所以先一時分心咋
咁又係，佢睇緊嗰啲嘢的確幾醒腦提神嘅，怪唔得佢一睇就睇成半個鐘
嗱，你又唔好針對住佢睇啲咩，佢話自已平時就咩都會睇，你睇吓佢枱頭都有詩同經濟文章架！
唔通佢就係誠哥口中唔出聲嘅有能力者！！！
佢係唔係呢，我就唔敢講，但係誠哥就話因為世界好唔安定所以未敢交棒。
唔通誠哥真係超人，身兼保護香港嘅任務！？
唔係你估！你估每年開咁多次力場容易架！
開到連APEC財長都唔嚟香港開會呀，都咪話唔勁
咩呀！人哋話便利會議先唔嚟架，咁都要抽李超人水嘅！
抽水都唔夠lomosai主人勁啦，佢話網民生安白做，自已理性分析，好過做隻無知豬喎，抽水抽到連豬都俾人擺上枱呀
豬？佢明明係狼囡喎，又估唔到狼爸爸見到囡囡俾人鬧，都係講句 我們不評論其他人個人言論，連個囡都係其他人咁話
果然六親不認，既狼且辣
