由饒宗頤文化館主辦的「香江傳承」歷史文化學習計劃2017，有超過200名學生參與，共29間中學參加「尋找香江的故事」專題研習比賽2017。
今次得獎學校分別是：
初中組冠軍：保良局顏寶鈴書院
得獎同學：蕭樂遙、叢筠又、李悠嘉、劉焯棋
作品：水上人家的生活記憶-香港漁業變遷探析
同學仔特意去長洲進行實地考察，找了當地漁民「明哥」做訪問。
叢筠又同學就話：「最令我深刻嘅係明哥嗰份專業精神，專心致志地工作，呢種精神值得學習。」
蕭同學更話：「去到長洲，覺得好驚訝，原來咁國際化嘅城市，都有歷史化嘅一面，一排漁船。」
高中組冠軍：天水圍香島中學
得獎同學：袁詩傑、張柏康
作品：扎作業的今昔與傳承
香島中學同學仔搵左本地扎作業工會會長冒卓祺師傅探討扎作業之傳承。
張柏康同學話，「最印象深刻係認識『大士王』，即是鬼王，分別有三種：潮式、海豐式、廣府式。佢會保護我哋香港人，我都好尊敬佢。」
張同學又話，去冒師傅嘅工廠，「我覺得好似血汗工場，坐一陣感覺到好辛苦，體會到平時冒師傅做野幾辛苦。」
佢又好佩服冒師傅對傳統手工藝承傳的決心，希望政府可以幫一幫。
袁同學就話：「冒師傅同我哋講，唔好因為政治立場而拒絕中國文化，中國歷史和文化值得我哋學習。」
經過今次專題研習比賽，各同學都從中體悟到了刻苦拼搏、自強不息、同舟共濟的香港精神。
