︳記者、攝影：陳梓聰 ︳
「早晨！又嚟到星期一嘅朝早……以下落嚟將會送首歌比大家……」每朝7點，剛從睡夢中醒來，扭開桌上的收音機，傳來的是一把既精神又清脆響亮的聲音，聲音就是來自叱咤903 DJ 阿正——黃正宜。
自細受家庭影響而熱愛聽電台廣播的阿正，於2017年中成為叱咤903撰稿員，現製作及主持電台節目，包括與人氣DJ森美和小儀主持人氣節目《早霸王》，以及由自己主持《早！JUNIOR》、《一位呀唔該！》等。憑着樂觀、積極和 just do it的勁頭，她實現了中三時的DJ夢。
阿正成長於香港典型的小康家庭，至於為何對電台工作深感興趣，阿正指「屋企由細到大都有聽電台習慣，多數聽資訊台」，他自己則在中二開始熱愛聽叱咤903，「以前嗰個年代係會琴晚聽完架勢堂，第二朝會返去學校傾架嘛」。為了爭取時間收聽喜歡的節目，阿正更曾在飯後隨即跟父母稱要睡覺，當時只是晚上9點。阿正指初中選科時已決定要為加入電台的夢想鋪路，定下了人生目標。
加入叱咤903之前，阿正曾因當時香港中文大學新聞與傳播學院一名師兄推薦，成為DBC數碼電台一個時事相關節目的PA（製作助理），不足1個月後就因有主持人離職而獲得首次「開咪」機會，直至DBC數碼電台於2016年結業。其後，阿正轉職製作公司，製作教育相關影片，但她笑言，「要訪問教授『我地有先進嘅儀器』之後有一log字走入嚟嗰啲，真係頂唔順啊！」短短4個月後就決定「裸辭」，轉到中學時期亦曾兼職的咖啡店工作。
直至在街上巧合遇到當時就讀中大的導師，叱咤903 DJ急急子（區穎琳），阿正憶述當時急急子稱「903收緊Demo（電台錄音）喎，有冇興趣交啊？不過冇錢嗰喎」，而當時未有全職的阿正上傳幾個Demo到叱咤903，其後因應新廣播劇《歐陽志強》開播，阿正便以Writer（撰稿員）的身分加入叱咤903。事後，阿正得知一切並非巧合，「原來係我啲朋友冇問過我嘅情況下主動同急急子講，『阿正就嚟冇得做DBC啦，睇下903果邊要唔要人』」，令急急子邀請她加入叱咤903，事後想起仍然非常感恩。
全情投入
加入叱咤903才是挑戰的開始，「7日有6日要開咪，星期日休息唔返公司，但要諗星期一要講咩、揀咩歌、寫稿、搵《識貨之人》（《早霸王》的試食環節）嘅嘢食，基本上都係冇乜休息」。她指同事經常叫她離開公司休息，但是工作未完成無法離開。相比在DBC數碼電台工作，阿正認為現時的工作量大一倍，每天只能休息4至5小時，而去年3月剛開始主持個人節目時更只休息2至3小時。「人生未試過行路都想瞓，好似飲醉酒咁」，更笑言「冇時間拍拖，識不到新的男仔！」
但談到真正困難，阿正認為最難是與別人合作主持節目，和表達自己的性格。「最難應該係要重新學習做talk show（清談節目）要同人夾，要捉人邊個位要接應，例如我有啲得意嘅資訊可以講嘅時候，要睇幾時啱講出嚟」；又指「因為由細到大聽開佢地（森美和小儀）嘅節目，入到去（直播室）就好似聽緊電台咁，但醒起原來自己要講嘢嗰喎」。向聽眾表達自己角色同樣需要學習，而阿正經摸索後認為她「痴女」和「麻甩」的性格受聽眾認同，於是現時以這方面着墨較深，以增加節目效果。
“ 我係一個鍾意分享自己生活嘅人，
同朋友傾偈有九成時間都係講我自己嘅嘢 ”
感恩批評
阿正在鏡頭和麥克風前經常表現樂觀正面，當面對批評時，能以積極態度面對，使她得到聽眾的認同。「被丙完就會諗自己點解做唔到，寧願比佢地鬧，係袋錢落你袋」。阿正認為批評會帶來進步和改善，「如果一個人唔係心地好，佢係唔會用一粒鐘嘅時間點醒你。如果一個人唔care（關照）你，做咩要嘥一粒鐘嘅生命係你身上？」即使面對前輩當着同事面前的強烈批評及「賽後檢討」，仍能在數小時內收拾心情，是靠着跟自己內心進行對話，「得兩個選擇，做定唔做？咁揀左做就要開心啲嗰喎」。
灰心過後重新出發，除了應付前輩期望，對阿正來說，更重要是履行加入電台的初心。阿正笑言自己的答案「老土」，就是透過說話娛樂聽眾。「我係一個鍾意分享自己生活嘅人，同朋友傾偈有九成時間都係講我自己嘅嘢，所以做電台真係好啱我。」
至於為何要加入叱咤903，阿正以情意結來形容她與903的關係，「好鐘意903，覺得呢度好神奇，點解可以咁有創意，希望黎到呢個地方成為一份子去娛樂大家」。
當阿正以娛樂大眾為目標時，家人又是否因阿正任職DJ而感到快樂？阿正憶述大學聯招期間沒有理會爸爸建議，放棄修讀「錢途」較好的法律，反而以傳播學作首選，「讀法律會悶死架，然後阿爸每年都鬧一兩轉，直至做DBC，都係講搵咁少錢」。表面不滿的爸爸，指阿正做電台「又搵唔到錢，做律師不知搵幾多錢，做政府工幾好，薪高糧準……」。但原來只是口不對心，「後尾阿媽講番，你阿爸行山嗰時都要拎住部收音機聽你做電台啊！」阿正認為爸爸在這方面十分可愛。
父親激勵：點解要放棄
即使面對低谷時，憑著爸爸的激勵，為阿正帶來很大勇氣和信心，使她繼續行電台DJ路。阿正任職製作公司期間患上輕度情緒病而離職，其後有兩份工作選擇，除了加入叱咤903任職撰稿員，還有薪酬較佳的影音公司公關職位，使她在夢想和現實之間掙扎。「飲完杯咖啡後諗通左，因為嗰日搵番早前交比急急子嘅Demo，係自離開DBC後第一次聽到自己把聲出現喺電台，就係呢種感覺，就決定入903！」但作為孝順女的阿正，在決定後仍要想辦法與家人交代。
阿正難忘與家人交代決定加入903的情境。「我……都係唔做果份工（公關），我想入903，不過好低人工。」又說：「如果我去到27歲都冇出色、冇節目，我就轉行啦，就唔會再做電台架啦！」
然而，阿正的爸爸一面認真地反問：「咁如果呢個係你嘅夢想，點解去到27歲就要停呢？如果你真心鐘意呢樣嘢，去到幾歲都應該堅持落去，點解你要set （目標）27歲呢？」
「跟住我就覺得好感動，反而我自己有保留，我要對得住我屋企人養育左廿幾年，27歲都搵唔到食就算啦轉行放棄啦，但係我啊爸反而掉番轉同我講『你點解要放棄？』嗰吓就真係好supportive（鼓勵性）！」阿正對爸爸的反應喜出望外，沒想到平日口硬心軟、反對她投身電台工作的爸爸會說出如此激勵的說話，感到十分感動，家人的無限量支持變成阿正現時於電台努力工作和學習的動力。
“ keep住自己團火，just do it ”
Just do it !
對於未來發展，阿正指手上很多項目皆處於起步狀態，希望將《早！JUNIOR》和《一位呀唔該》等先上軌道，並爭取更多私人時間，「如果冇左自己生活會冇野講，希望每日3點收到工！」同時上傳更多vlog（影像日誌）到社交平台，使現今電台被年輕人摒棄的情況下，透過拍片形式讓年輕人接觸電台。
阿正的《早！JUNIOR》正透過邀請各大專院校參加DJ比賽，尋找有志投身電台的同學，讓同學體驗透過大氣電波接觸全港聽眾。
「幾癲幾好玩，就算入唔到電台，都係一個人生體驗。」阿正現正與浸大國際學院合作，推動這個項目，比賽的下一站是香港樹仁大學。她呼籲有志投身電台工作的同學準備Demo，「keep住自己團火，just do it！」
更正（2019-01-21）：本文之前把商台頻道叱咤903，誤作叱吒903，並把節目《一位呀唔該》誤作《一位啊唔該》，現已更正。
