【樹仁大學記者邱翠虹報道】
【12月1日「專業界商討日 二」現場報道】
VO1：公共專業聯盟今日係長沙灣舉行商討日， 有60名專業人士出席，佢地就「專業界商討日 二」 2017年普選行政長官方法進行討論，又交換對佔中的意見。
【BITE 1】公共專業聯盟副主席 吳永輝發言：今日公共專業聯盟成功舉行佔領中環運動商討日，今日有大約有50-60位人士參加，其中多數係專業界別人士，大多數認為絕對唔能夠接受有篩選既提名方案。
VO3 ：有參加者人贊成公民提名方案，亦都有參加者人認為普選要循序漸進。
【BITE 2】Antony (IT界）：我覺得邊個方案都冇乜所謂，但係要香港人明白就一定要一個簡單的方案，目前最簡單便是公民提名方案。
【BITE 3】Frankie (金融界)：選舉過程好長，唔係話一、兩屆可以解決問題，點都係要慢慢一步一步進行。
VO4：佔領中環發起人之一陳健民出席商討日時表示，專業界別人士是社會的中流抵柱，佢地既參加對中央黎講係一個警號。
【BITE 4】陳健民：專業界別我覺得有相當大的力量，點解今次佔中會產生咁大影響力，今次會見到係主流的人走出黎，佢（中央）好震動，如果連主流既人都作反啦，以後點管落去呢？
VO5：陳健民又表示，商討日的目的係收集各別人士的意見，希望在商討日二完成後可以收到2000份意向書。
【BITE 5】陳建民：我地想聽多D專業界的意見，咁其實商討日最重要都係畀佢地交流下，提一D意思比我地三子提下個運動點樣發展‥‥‥我地的目標大約在DDAY2完全後，收回2000份意向書。
VO5：公共專業聯盟主席莫乃光亦表示，滿意今日的出席人數。
【BITE 6】莫乃光：我覺得都幾好啦，見到有60-70人，個情況都同我地想像中差唔多。
VO6：佔中運動計劃喺在12月28日於添馬公園舉行集會，屆時亦都會發表商討日二既總結報告。
